Монгол оронд хавар анхлан цэцэглэдэг таван зүйлийн цэцэг байдгийн нэг нь Даль юм. Хөвсгөл аймгийн Эрдэнэбулган сум Өтөгт, Хүрэн зэрэг уулнуудад ургахаас гадна Хан-Хэнтий, Хорьдол сарьдагийн уулсаар тархсан байдаг. Тавдугаар сарын эхнээс 20-ыг хүртэл ургах энэхүү цэцэг нь хүний бие махбодийг тайвшруулах ядаргаа тайлах, сэтгэл тайтгаруулах, толгой тархины өвчнөөс ангижруулах, хараа сайжруулах, бие тэнхрүүлэн алжаал тайлах ач тустай юм. Та энэхүү аяллын үеэр Монгол оронд ургадаг 4-5 төрлийн яргуй болон гүйлс, буйлс зэрэг бут модны цэцэг ажиглах, зураг дарах, алжаал тайлж амрах, явган аялал хийх бүрэн боломжтой. Хаврын анхны цэцэгсийг ажиглахын зэрэгцээ шинэхэн дэлбээлсэн цэцэгсийн анхилуун сайхан үнэрт сэтгэл баясан аялаарай.
